اجمل حواديت قبل النوم باللهجة المصرية قصيرة للأطفال ورومانسية للكبار، حواديت قبل النوم هي ما تجعلنا نسترخي عند خلودنا للنوم، والحواديت باللهجة المصرية ممتعة وخفيفة الظل، وقد عرف أدب الحواديت منذ زمن بعيد، واعتاد الكثير من الناس رواية القصص الممتعة والحواديت التي تعطي دفعة أمل للأطفال والكبار، كما اعتدنا على روايات الف ليلة وليلة، وقد أحب الأطفال حدوتة سندريلا، وسنو وايت، وحدوتة الخراف والذئب؛ فن الحواديت فن متميز محبوب واسع الانتشار في الوطن العربي؛ في هذه المقالة نضع بين ايديكم اجمل حواديت قبل النوم باللهجة المصرية قصيرة للأطفال ورومانسية للكبار.
اجمل حواديت قبل النوم باللهجة المصرية قصيرة
اجمل حواديت قبل النوم باللهجة المصرية قصيرة، حواديت قبل النوم من أكثر القصص متعة، وأقربها لقلوب الاطفال، فكثير من الأطفال لا يخلدون إلى النوم إلا إذا سمع كل منهم واحدة من حواديت قبل النوم؛ وفي هذه السطور نضع لكم اجمل حواديت قبل النوم باللهجة المصرية قصيرة:
جاك والفول المسحور
“كان ياما كان، كان فيه ست عجوزة فقيرة وابنها جاك، عايشين في بلد صغيرة، وفي يوم طلبت ام جاك منه أنه يبيع بقرة واحدة، وجاك رايح السوق، قابل راجل اشترى منه البقرة وعطاله خمس حبات فاصوليا مسحورة، ولما رجع جاك وحكى لأمه ال حصل، زعلت وقالت له: “يعني تعطي الراجل بقرة وتاخد خمس حبات فاصوليا!”، ورمت أمه الفاصوليا من الشباك، وزعل جاك ونام زعلان من غير عشا.
لما صحى جاك من النوم الصبح لقى شجرة فاصوليا كبيرة طلعت بسبب حبوب الفاصوليا السحرية، وطلع على الشجرة لغاية لما وصل لمملكة في السما، عاش فيها عملاق ومراته، ولقى مرات العملاق في المطبخ، فطلب منها حاجة ياكلها لأنه جعان، وأعطته مرات العملاق عيش ولبن.
فجأة رجع العملاق للمملكة، وجاك خاف واستخبى، وسمع صوت العملاق بيقول: “انا ساكن ريحة بني ادم، لو كان حي او ميت، هطحن عضمه، واعمل منه عيش”، بس مرات العملاق قالت له ان مفيش حد، فدخل العملاق اوضته، وعد أكياس من فلوس دهب وخبأها، وراح ينام، وبالليل دخل جاك على العملاق وأحد كيس من الفلوس الدهب، ونزل من على شجرة الفاصوليا، وعطى الفلوس لأمه، وعاشوا ايام بسيطة وكانوا فرحانين.
وطلع جاك تاني للمملكة، وشاف العملاق معاه فرخة باضت بيضة دهب، وراح ينام، اخد جاك الفرخة ونزل من على شجرة الفاصوليا، وعطى الفرخة لأمه، وعاشوا فرحانين كمان لمدة أيام، ومكر جاك نفس ال حصل تاني بعد كام يوم، ولقى العملاق مع آلة موسيقية بتطلع موسيقى سحرية حلوة قوي، فأخدها ولسه هينزل بيها، صرخت الآلة، وقالت: “الحقني يا سيدي فيه ولد هيسرقني”، قام العملاق من النوم وشاف جاك ومعاه الآلة الموسيقية، وجرى ورا جاك عشان يمسكه، لكن جاك جرى بسرعة، ونزل لبيته من على الشجرة، ونزل وراه العملاق، دخل جاك البيت وجاب معاه فأس، وقطع الشجرة، والعملاق وقع ومات، وعاش جاك وأمه اغنية ومعاهم فلوس كتير”.
شاهد أيضاً: قصص استجابة الدعاء في قيام الليل وعلامات استجابة الدعاء في قيام الليل وكيفية الدعاء
قصص بالعامية المصرية للأطفال قبل النوم
قصص بالعامية المصرية للأطفال قبل النوم، تتميز العامية المصرية بأنها لهجة جميلة وبسيطة جداً، وسهلة الفهم، والنطق، وهي تزيد من جمال قصص وحواديت قبل النوم، ويحب الشعب المصري حواديت قبل النوم كثيراً، ويتعلق صغارهم بحواديت كثيرة، ويعلقون الآمال، وينسجون الأحلام من خيالهم بعد سماعهم لهذه القصص؛ نضع لكم هنا قصص بالعامية المصرية للأطفال قبل النوم:
حدوتة الأسد ملك الغابة والفأر الصغير
“كان ياما كان في قديم الزمان أسد كبير يحكم غابة كبيرة ممتلئة بالحيوانات، وكان هذا الأسد هو أقوى سكان هذه الغابة.
وفي نفس الوقت جاء فأر صغير ليعيش في نفس الغابة التي يحكمها هذا الأسد، وكان هذا الفأر دائمًا ما يلعب ويلهو من حول الأسد، وكان دائمًا ما يقفز فوقه، ودائمًا ما يقوم الفأر بإصدار الكثير من الأصوات المزعجة، وهذا الأمر قد كان سبب قلق الأسد وعدم قدرته على النوم.
استيقظ الأسد القوي من نومه وهو في غاية الغضب، وقد كان هذا الغضب سبب في قيام الأسد بوضع قبضته الكبيرة جدًا فوق الفار الصغير وقام بفتح فمه حتى يأكل هذا الأسد الذي يسبب له الكثير من الإزعاج.
أخذ الفأر يصيح ويصرخ ويطلب من الأسد العفو والسماح ويقول له: سامحنى ارجوك ومش هكرر اللى عملته دا مرة تانية، وأنا عمري ما هنسا معروفك وكرمك عليا أبدًا، وربما يجي يوم وارد ليك المعروف الكبير دا.
تسبب ما قاله الفأر الصغير الضعيف في ضحك الأسد بصوت عالي جدًا ونظر إلى الفأر الصغير وسأله: أنت تقدر ترد ليا أنا معروف، أنا ملك الغابة وأقوى حيوان فيها، وأنت فأر صغير ضعيف لا تملك القوة.
وعلى الرغم من هذا قرر الأسد أن يترك الفأر، فقد تسبب في إسعاده وضحكه بما قد قاله له، ومن بعدها مرت على الغابة وجميع من بها من حيوانات العديد من الأيام والأسابيع، وفي يوم من الأيام استطاع بعض الصيادين أن يقوموا بصيد الأسد والإمساك ويقوموا بربطه في جذع أحد الأشجار الكبيرة الموجودة بالغابة.
وقام هؤلاء الصيادين بالانصراف بأقصى سرعة ليحضروا سيارتهم الخاصة ليستطيعوا أن يأخذوا فيها الأسد إلى حديقة الحيوان، وفي هذا الوقت كان الأسد الصغير يتجول بالغابة، ومر بجانب الشجرة المربوط فيها الأسد.
فنظر الفار الصغير للأسد وقال له أيه اللى حصل لك دا، أنا هساعدك حالاً، وأخذ الفأر الصغير يقرض الحبال القوية المربوط بها الأسد، وبالفعل استطاع الفار فعل هذا، وقام بتحرير الأسد من أسره.
ومن بعدها سار الفار الصغير يسير حول الأسد في فخر ويقول له، عرفت اردلك الجميل ولا لا يا ملك الغابة”.
شاهد أيضاً: قصص استجابة الدعاء في ثلث الأخير من الليل جربها
حواديت قبل النوم للعشاق طويلة
حواديت قبل النوم للعشاق طويلة، الحب والعشق من أجمل المشاعر التي يشعر بها الإنسان، وكم من عاشث سهر ليله يناجي وجه الحبيب في خياله، ويراه بين نجوم السماء، ينير له عتمة الليل، فالعشق يسمو بالأرواح فوق هموم الدنيا، ويشعرنا بسعادة عارمة لا يسعها هذا الكون؛ نضع بين أيديكم حواديت قبل النوم للعشاق طويلة:
علاقة مستحقة
“في يوم من الايام، رجع الزوج من شغله ومعاه ورد كان شاريه علشان زوجته، ولما رن جرس الباب، فتحت بنته وسألته باستغراب؛ هو النهاردة ايه علشان تجيب ورد لماما، فرد عليها وقالها؛ إن كل ونائبه في الشغل كانوا بيشتكوا من أن زوجاتهم، وازواجهم مش كويسين معاهم.
وقالها، إن دي حاجة خلتني احس اني محظوظ لان والدتك كانت مهتمة بيا طول حياتنا مع بعض، ومفيش يوم اتخانقت معايا فيه، ودي بالنسبة لي نعمة كبيرة لازم اشكر ربنا عليها، لأن أهم حاجة أن شريك حياتك يكون صادق، وتقديري تشاركي كل افكارك معاه.
والعلاقة اللى بتجمعنا انا ووالدتك، علاقة تستحق اني اعمل اي حاجة تساعد على اسعادها، واني اجيب ورد ليها دي حاجة لا تذكر قدام كل حاجة هي قدمتها ليا”.
شاهد أيضاً: قصص قبل النوم قصيرة عن الحب 2025
حواديت قبل النوم للبنات
حواديت قبل النوم للبنات، تحلو الحواديت عندما تضع رأسك لتخلد إلى النوم، ترغب في ان تسافر في عالم الأحلام، لعلك تجد ما لم تجده في وقاعك، هي الحياة تمنحك الأمل دوماً عن طريق هذه الحواديت، تغمرنا بالسعادة، تجعلنا ننام غارقين في آمال ووعود كثيرة، وتفاؤل ان القادم أجمل؛ نذكر في هذه السطور حواديت قبل النوم للبنات:
بوبو وفصل الشتاء
“كان يا ما كان كان في اسرة صغيرة مكونة من الام والاب وطفلة صغيرة اسمها بوبو واخوها يويو، وكانت الطفلة الصغيرة بوبو بتحب تعرف كل حاجه فى الدنيا وتسأل ماما وبابا عن كل حاجة تقابلها، وتحب تسأل أسئلة كتير، بوبو كانت بتحب تسأل عن كل شيء وعن أي شيء وكانت بتسأل كل شويه ماماتها وباباها هو ايه دا وايه دا ومكنتش بتزهق من السؤال، وكانت الأم بترد عليها وهي بتبتسم وبتضحك .
وفى يوم من الأيام خلص الصيف وبعده الخريف ودخل الشتاء الدنيا كانت بتشتي وتمطر كتير، واليوم دا لبست ماما بوبو واخوها يويو هدوم كتير جدا، لأن الجو كان برد وساقع فلبست بوبو ويويو جاكت وطاقيه وكوفيه وشراب وهدوم تقيله علشان تحميهم من البرد الشديد.
بوبو اعترضت على مامتها واعدت تقولها، ليه يا ماما كل الهدوم دي نلبسها، ردت الام: علشان الدنيا برد يا بوبو وبتشتي، ولو خففنا هدومنا هنبرد ويجلنا انفلونزا وبرد ونتعب، وهنا بوبو قالت بتعجب: يعنى ايه يا ماما انفلونزا مش عارفه دي حاجة وحشة ولا حلوة .
ماما ردت على بوبو الصغيرة وقالت لبنتها الصغيرة لا يا بوبو الانفلونزا دا مرض اسمه كدة، ودا مرض وحش وبرد يجلنا لما نتعرض لتيار هواء جامد، او برد شديد ونكون مخففين هدومنا، بنتعب ونمرض بنكح وبجلنا سخونيه ورشح زى يويو اخوكى لما كان تعبان وعندة برد وانفلونزا من شهر يا بوبو فاكرة.
بوبو بصت لماما كتير واعدت تفكر تاني وقالت بصوتها الصغير وسألت: وليه يا ماما جسمنا بيسخن وبنتعب ليه منتعبش ونكون كويسين، ماما ضحكت أووى وقالت لبينتها الصغيرة: علشان يا بوبو فى حجات صغيرة موجودة في جسمنا، بتدافع عنا ضد الامراض، الحجات دى زى العساكر بس عساكر صغيرة يا بوبو اول المرض ميدخل الجسم الحجات الصغيرة دي بسرعة تطلع و بتعد تضرب المرض وتتعارك معاها، علشان تحمينا وتحمي اجسامنا علشان كدة احنا بنسخن وبنتعب، ولو الحجات الصغيرة اللي ربنا خلقها في مقدرتش تقضى على المرض يبقى لازم ناخد الادويه المناسبه علشان نقضي على المرض ونتخلص منه.
بوبو الصغيرة ضحكت اووى و عجبتها الحجات الصغيرة اللي جوه الجسم وبتدافع عنه من الامراض، وسألت ماما هي الحجات دي اسمها ايه، ماما ردت على بنتها الصغيرة وقالت: اسمها المناعه يا بوبو وفي حاجة جواها صغيرة اسمها antibody انتيبودي، وفتحت ماما الكمبيوتر وورت الصور لبوبو، وكانت الطفلة فرحانه جدا وسعيدة وهي بتتفرج، بوبو كانت فرحانه جدا وحبيت تشوف مناعتها والعساكر الصغيرة.
فكرت الطفلة الصغيرة ازاي تقدر تشوف مناعتها، ففكرت لو خففت هدومها في الشتا والبرد هتتعب وهتشوف المناعة والعساكر الصغيرة وراحت خففت هدومها وراحت تلعب والدنيا بتمطر في الجنينة تحت المطر وهي بتضحك كتير وفرحانه، بوبو الصغننه تعبت جدا لما خففت هدومها وماما وبابا زعلوا جدا منها انها خففت هدومها ووقفت تحت المطر، وعرضت نفسها للمرض
وراحت للدكتور والدكتور كتبلها حقن كتير مضاد حيوى علشان تخف بسرعة، ومن يومها عرفت بوبو ان الواحد المفروض يبعد عن تيارات الهواء والامطار في الشتا وميعرضش نفسه للمرض، ويلبس لبس تقيل يحمى نفسه من البرد والمرض، وعرفت ان الواحد ممكن يزود مناعته لما ياخد معلقة عسل نحل كل يوم ويدفي نفسه في البرد وميتعرضش لتيارات هواء لانها خطر عليه وكتر البرد بيضعف مناعته”.
حواديت قبل النوم باللهجة المصرية رومانسية
حواديت قبل النوم باللهجة المصرية رومانسية، الحب شعور يتسلل إلى القلوب دون أن يستأذن، فإما ان يكون لنا نصيباً من حب ناجح، يكلل بالمشاعر الطيبة، والنهايات السعيدة، او أن يكون حباً يؤلم قلوبنا فيسحق فيها الأحلام والأمنيات، وقصص الحب الرومانسية كثيرة وعديدة؛ في هذه الفقرة نضع لكم حواديت قبل النوم باللهجة المصرية رومانسية:
السلام الاخير
“كانت بطلتنا قاعدة سرحانة وهي بتفك شعرها اللي نزل على كتفها قالت لصاحبتها: بحب اتفرج على الأفلام بس على الكراسي السنيما، دي كانت آخر ذكرى ليوم يقضوا مع بعض، لان بليل كانت هتسافر في رحلة كانت هتوديها بيت اسرتها وتبعد عنه وتروح لعالم مختلف عن عالم حبيبها. وصلت بطلتنا امبارح لمدينة قريبة من بيتها علشان تحضر دورة تدريبية تطوعية لكنها تعبت اوي وتدهورت صحتها وكانت عايزة ترجع مدينتها وتستقر فيها بشكل دائم وما تطلعش تدريبات تاني.
هو ينفع عادي انها تسافر وتلغي الدورات التدريبية لكن صعب تلغي المشاعر اللي حستها في السفرية دي، لانها اتعرفت واعجبت ببيتر، اتقابلت بطلتنا وبيتر في الكلية أثناء دراستهم عن طريق أصدقاء مشتركين، وبعد فترة عبروا عن إعجابهم على طول ببعض، وللاسف بسبب انشغالهم في ان كل واحد يحقق نفسه ضاعوا وسط مشغولياتهم وعدت الأيام والشهور.
فضلت بطلتنا تفكر ان كانت علاقتهم مجرد صداقة أو أبعد من كده، لكن فات الأوان لما عرفت البطلة أن اللي بتحس به ناحية بيتر هو انه مش ممكن يكون ابداً صداقة عادية لأي شخص، وعلى مدار السنين اللي فاتت ادركت حقيقة شعورها، لكنها قاومت الاحساس ده حتى انها قررت تتخطب لواحد اسمه سام.
المهم نرجع للقاء الاخير انها هتمشي من التدريب وفعلاً اخدت قرارها بس واضح ان للذكريات لها دور في حياتها وبدأت حدوتة السلام الاخير، اخر يوم كانت فيه مع بيتر في الكلية وكانت دايماً تقول ده أفضل يوم في حياتي، اليوم ده بيتر أخذها لكل الأماكن المفضلة لها واللي بتحب تروحها ما هو كان حافظها بقى، واليوم كان كله مفاجآت جميلة، وفي فترة بعد الضهر، خططوا يشوفوا فيلم سوا، الفيلم ده كانوا مقررين من زمان انهم لازم يشوفه سوا، وفعلاً راحوا السنيما ودي كانت اخر مرة تشوف بيتر حتى لما روحوا ركبت وراه على عجلته، وهي دايماً كانت حاسه انها مهما سافرت او اتفسحت عمرها ما هتحس احساسها اليوم ده، كانت حاسه نفسها في فيلم مش عايزاه يخلص أبدًا.
لكن كل الحاجات بتخلص ولما وصلت بيتها سلم على بيتر السلام للمرة الأخيرة، وحسوا وقتها بدفء حبهم لبعض وحاولوا يكلموا بعنيهم في حاجات كتير لبعض، لكن للاسف في الوقت ده وصل الاتوبيس وكان لازم تتحرك وده كان “الوداع الأخير” وحصل الفراق، الحدوتة دي بتوضح ان ممكن تقابل حد صدفة ولوقت قصير لكن يحفر جواك احساس مش ممكن تنساه ابداً”.
حدوتة قبل النوم سندريلا باللهجة المصرية
حدوتة قبل النوم سندريلا باللهجة المصرية، عرفت حدوتة سندريلا منذ زمن بعيد، وهي من الحواديت التي تتجدد دائماً، ولا يمل الناس من سماعها، وقد بقيت هي الحدوتة المحببة لدى الكثير من الفتيات، فهي تمنحهن الأمل بأن كل واحدة ستكون ذات يوم بسعادة سندريلا التي قابلها الحب بعد تعب الحياة، وكافأها القدر على صبرها؛ في هذه السطور نضع لكم حدوتة قبل النوم سندريلا باللهجة المصرية:
حدوتة قبل النوم سندريلا باللهجة المصرية
“كان ياما كان
كان في بنوتة رقيقة وقمورة اسمها سندريلا الحبوبةورثت طباع جميلة
من ام نادرة في الطيبة والاخلاق
واتنقل جمال روح مامتها اللي اتوفت
لجمال الشكل كمانكان ليها اب طيب حنون اتجوز مرة تانية من ست يا ساتر
علي طباعها متعجرفة مسيطرة ومعاها بنتين نسخة كربونة منهاطبعا مع طباعهم الشرسة حصلهم غيرة من جمال السندريلا
وابتدت الام وبناتها يستغلوها في تنضيف البيت
وخدمة البنات
لكن البنوتة كانت ودودة ومن كل كائنات الكون محبوبةلكن المسكينة حتي باباها مقدرش يعارض مراته
لانها كانت غنية
وهي اللي بتصرف علي البيت فكان بيشترك معاهم
ويقسو علي بنته سندريلاوفي يوم خبط الباب وجه مرسال وفي ايده رسالة
دعوة من الامير مكتوب فيها انه عامل حفلة كبيرة
وان سعيدة الحظ اللي هتخطف الفؤاد هتصبح هي الاميرةطبعا الدعوة جت عل هوي الاختين وابتدوا يفكروا
ويحكموا علي المسكينة انها تختار بذوقها الرفيع ليهم
اللي يليق عليهم ويحليهموبطيب خاطر اختارت بحب اجمل حاجة يلبسوها
وكمان عرضت عليهم تعملهم احلي تسريحة
وهي بتوضب فيهم سالوها بخبث ومكر-ايه رايك يا سندريلا تيجي الحفلة معانا
ردت المسكينة: انتوا بتتريقوا عليا هو انا اقدر اروح حفلة زي دية
مسكتها مرات ابوها الشريرة وقالت
هو معقول تروح حفل كبيرة بهدومها القديمةبعد مالبستهم ووضبتهم
وودعتهم بدموع في عينها
واحلام القصر جواها بتنده عليهادموع السندريلا اثرت في الساحرة الطيوبة
وطبطبت عليها بحنان وقالت لها
نفسك تحضري الحفلة
ردت سندريلا من بين دموعها
نفسي.. نفسيقالتها الساحرة طيب روح هاتيلي من الجنينة حباية قرع
وفعلا سمعت سندريلا الكلام
وجابت احلي حباية قرع
وحولتها الساحرة لعربية بديعة
وحولت عدد من الفيران والسحالي بعصاها السحرية
لخدم وحشم وخيول يجروها باجمل جميلةوبضربة بعصاها السحرية
حولت الساحرة سندريلا لاجمل حورية
واشترطت علي السندريلا مع دقات منتصف الليل
لازم تسيب الحفلة وترجع في غمضة عين
لانها لو قعدت دقيقة زيادة كل حاجة هتعود لاصلها
هترجع لفستانها البسيط والعربية لحبة القرع والخيل للفيران
والخدم للساحالي
ووعدتها سندريلا انها هتسيب الحفلة وقت الميعاد تمام
وركبت الاميرة اللي سحرها تعشقه العينلمحها الامير
واتخطف قلبه معاها بسحرها
وهوكمان خلي اوتار قلبها
تتاثر بسحر نظرته لهاوطبعا الكل بقي يقول مين تطلع الجميلة
والغيرة اكلت الاختين اللي قلوبهم شريرة
واتقدم الامير وانحني بهيام ومسك ايد الجميلة
ورقص معاها علي نغم الالحان
واخدها معاه لعالم كله سحر وخيال
وسمعت سندريلا وهي في دنيا الخيال دقات الساعة 12
وجريت من الامير ومع لخبطتها وقعت منها فردة جزمتهاوحزن الاميروفضل يدور علي الاميرة
وامر الحراس بالبحث عن صاحبة الحذاء
لف الحراس علي بنات البلد لكن الحذاء كان اصغر من اي مقاس
ووصل الحارس لبيت ست الحسن والجمال
استقبلوه الثلاثي المرح وطبعا مكانش ينفع تكون الرجل علي اد المقاسوسال الحارس لو فيه حد تاني موجود معاهم
قالولوا فيه بنت غلبانة مش ممكن يكون ملكها
اصر الحارس لانها اوامر من الامير ان الكل لازم يجرب المقاس
وندهوا عليها بلهجة فيها ضحك وهمزوجرب الحارس الحذاء اللي كان علي مقاس السندريلا تمام
وراحت لبست الفردة التانية كمان
وبضربة سحرية من الساحرة الطيوبة اتحولت البنوتة الخنوعة
لاجمل عروسةواتعرفوا عليها الاختين وطلبوا منها السماح
قربت منهم السندريلا وقالتلهم انها بتحبهم ومن جوة القلب مسامحاهم
واتقابلت السندريلا مع الامير وكانت في عنيه اجمل الجميلات
وخطفها لبدء حياة تجمع بينهم وتكون سعيدةقصة جميلة بتعلمنا التواضع والخدمة بمحبة
بتحول الالم لفرح وازاي ربنا بيكافيء في النهاية كل مظلوموتوته توته خلصت الحدوته”.
وإلى هنا لم ولن نمل من كتابة حواديت قبل النوم، وستبقى هذه الحواديت نرويها جيلاً بعد جيل، دون ان نمل من الاستماع لها والاستمتاع بها؛ وهكذا ننتهي من هذه المقالة التي وضعنا لكم في سطورها اجمل حواديت قبل النوم باللهجة المصرية قصيرة للأطفال ورومانسية للكبار.